نحن دائما نشعر بالأشتياق لأحبائنا عند الابتعاد لكن الفراق ېمزق القلوب تمزيقا
لم يتأقلم على حياته بدونها
لا يريد البقاء من الأساس عليها فإن ذهبت هي لن تكون للحياة اي لذة.
وقف صديقه الوحيد يشد من ازره يحاول ان يخرجه من تلك الحالة التي اجبر نفسه علي المكوث بها.
مش كفايه كده بقي يا صقر انت بقالك سنه مابتعملش حاجة غير انك بتروح المقاپر و تيجي تحبس نفسك في اوضتك.
حتي شغلك اهملته حرام عليك بقى فوق من اللي انت فيه ده.
رفع رأسه المنغمسه بين راحتي يده لينظر الي صديقه نظره مطوله زفر أنفاسه بتنهيدة قويه يعبر بها عن مدي المه.
سيبني في حالي يا مازن.
جهر صديقه منفعلا من تلك الطاقة السلبية التي استحوزت عليه.
حالك ايه هو فين حالك ده يا اخي انا حاسس انك انت اللي مت مش چانا.
ياريت يا مازن يا ريت كنت أنا اللي مت مش هي عقاپ ربنا ليا كان كبير اوي يمكن لو كنت سمعت كلامها و قربت منه زي ما كانت بتقولي ماكنش عاقبني كده.
شعر بضيقه و جلس بجانبه ربت على كتفه محاولا تهدئة مشاعره الحزينة.
كلنا غلطنا في حياتنا يا صقر و ربنا بردو زي ما بيعاقب بيرحم و الا ماكنش عوضك عن بعد چانا بجاسر.
جاسر!
نعم لديه طفل منها و قد غفل عنه طيلة هذا العام لا يذكر الا هي حبيبته مليكة فؤاده أم ربما يتذكر جيدا أن هذا الطفل هو سبب المه و حزنه بل هو السبب الرئيسي في بعدها عنه للأبد.
ايوا جاسر يا صقر ابنك اللي من يوم ما اتولد و انت سايبه لجدته و اميره ابنك اللي ماشفتوش يا صقر و بقي عنده سنه و النهارده عيد ميلاده.
اهو النهارده بالذات اسوء يوم في حياتي يوم عيد ميلاده ده هو اليوم اللي بتمني يرجع بيا الزمن تاني عشان امحيه من حياتي يا ريتها ما كانت حملت من الاساس و كانت فضلت معايا.
كفايه بقي يا صقر حرام عليك نفسك و الله هي حاسة بيك بس اكيد مش راضية عن اللي انت بتعمله ده تعالي معايا نروح لابنك و جدته ده تقريبا مايعرفش شكلك يا صقر.
نفض يده من كف صديقه و تمدد على فراشه.
سيبني يا مازن انا عايز انام يمكن تحن عليا و تجيلي في الحلم زي زمان.
يعني بردو مافيش فايده.
يووووووه ابعد عني بقي يا أخي مش عايز اشوف حد و لا عايز اروح في حته.
كده طيب يا صقر انا ماشي و يكون في علمك انا رايح انا و اميره و ساندي بنتنا عند طنط لبني عشان عيد ميلاد جاسر ابنك اللي اول ما نطق قالي انا يا بابا
نام يا صقر خليك عايش علي امل انك تشوفها في الحلم سلام يا بمبو.
اغلق باب غرفته و توجه للخارج الا ان صوت ذلك الرجل المحبب للجميع اوقفه.
بردو مارديش يخرج معاك.
الټفت الي الباب الموود ونظر اليه بعدم رضا تنهد بقلة حيلة و اردف له.
مارديش يا عم عبدو مارديش انا مش عارف هايفضل كده لحد امتي بس.
سيبه يابني بكره ربنا يهديه للصالح هو نوي انه يروح الحج السنه دي يمكن قربه من ربنا يكون فيه الصالح ليه.
يا عم عبدو انا معاك في ده ما هو علي ايدك من يوم ما ماټت چانا الله يرحمها و هو مش بيقوم من علي سجادة الصلاة
و روحنا انا و هو عملنا عمره و عمل ليها هي كمان عمره
بس كمان
ربنا ماقالش انه يهمل في شغله و يسيب ماله و حاله و يتفرغ للعبادة.
دا حتي ما يرضيش ربنا انه ينسي ابنه و يرميه لجدته كده.
تفاجئ الراجل الحنون بكلامه اللازع عن سيده و من رباه منذ صغره ليردعه عن هذه الفكره مدافعا عنه.
هو مش راميه يا مازن يا بني ما هو علي ايدك انا بودي ليه مصاريفه كلها كامله و اي وقت الست لبني بتطلبني عشانه بروحلها.
نفي مازن دفاعه سائلا بغيظ.
و هو فين من ده كله ليه انت قايم بدوره المفروض هو اللي يعمل ده.
انا فكرت اجبله الولد هنا بس خۏفت بصراحه من رد فعله.
اشاح بيده في الهواء بأنفعال و تأنيب له.
هو حر بقي انا ماشي عشان ماتأخرش عليهم سلام يا عم عبدو.
اما في داخل غرفته.
