مجدي بحده نااديه قولت مش عايز اسمع صوت وحسك عينك اشوفك بتعاملي بنت اخويا وحش حياة هنا زي رندا بنتك بالظبط ويلا اتفضلوا بقى برا وسيبوا حياة ترتاح يلااا
ناديه بصتله بغضب وهي بتتوعد لحياة وكريم مكنش مصدق انه ممنوع عنها وهي مراته وكان مضايق جدا وغضبان بس كلام ابوه بالنسباله أوامر ولازم ينفذها عشان ميخسرش كل حاجه
خرجوا من الاوضه بغضب مجدي راح عند حياة اللي كانت خايفه واتكلم بحنيه مټخافيش يحبيبتى اهدي
عيطت حياة بقوه في متسبنيش يا عمي انا مبقاش ليا غيرك محمود وماما زعلانين مني ومش بيكلموني ياريتني كنت موت قبل ما اعمل كدا بس انا انا بحب كريم اوي ومفكرتش في اي حاجه وقتها بس والله ندمانه اوي وبتمنى لنفسي الموت عشان اريحكوا مني
مجدي بحنيه اهدي يحياة انا مش هسيبك يبنتي وزي ما انتي غلطي ابني كمان غلط وغلطه اكبر منك ولو على امك ومحمود فمفيش اهل بيهون عليهم يبنتي هم بس مصډومين وكلها كام يوم وهيرجعوا يتكلموا معاكي تاني واللي انتي عايزاه يحبيبتى هعملهولك
بقلمي يارا عبدالعزيز
عايزه تطلقي من كريم
هزيت راسها بمعنى اه
اتكلم مجدي بحنيه لحد اما تولدي بس وهطلقك منه عشان الناس ميتكلموقش عليكي ماشي
حياة وهي بتمسح دموعها ما ماشي
دخلت بنت البيت واتكلمت بصوت عالي ومرح يا اهل المنزل انا جيت
ناديه خرجت بفرحه رندا وحشتني اوي
جريت رندا عليها بحب وانتي كمان يا ماما الواحد بقاله شهر عدوا كأنهم سنه بجد انا ما صدقت خلصنا المشروع اللي في شرم وجيت جري عشان ابارك لكريم وروان
ناديه بحزن كريم وروان!!!!
ادخلي استريحي وهحكيلك كل اللي حصل
بعد الضهر
نزلت روان وقفت قدام شقه خالتها وهي بتفكر بشر
خبطت على الباب فتحت لها رندا
رندا روان وحشتني
روان بضيق وانتي كمان انا قولت انزل اقعد مع خالتي شويه لاني زهقت من قعدت البيت لوحدي
ناديه وهي خارجه من المطبخ تنوري يحبيبتى تعالي
دخلت روان واتكلمت بتفكير بتعملي حاجه اساعدك
ناديه كنت بحضر الغدا
روان طب هاجي اساعدك استني هحط الاسوره دي هنا عشان واسعة عليا وبتفضل تقع مني
قالت كلامها وبصيت لحياه اللي خرجت من الاوضه بشر وحطيت الاسوره على التربيزه ودخلت المطبخ
حياة بصتلها بحزن بس ما باليد حيله مش هتقدر تغير حاجه من اللي حصلت ولا هتقدر تغير حقيقة انها خانتها
وقفت روان على الحوض بصتلها ناديه واتكلمت بحرج
روان انتي عارفه ان كريم بيحبك بدليل انه لما قرر يتجوز اتجوزك أنتي متسمحليهاش تاخده منك كريم ابني ليكي انتي وبس
بقلمي يارا عبدالعزيز
روان بسخريه وانتي بقى يخالتي لو جوزك كان عمل فيكي اللي ابنك عامله فيا كنتي هتسامحيه
بصتلها ناديه وسكتت
كملت روان وهي بتضحك بسخريه
سكتي ليه مش لاقيه رد ولا الجمله وجعتك على العموم يخالتي انا مبسبش حاجه تخصني لحد ومش روان اللي تخسر وقدام مين حياة حياة متتقارنش بيا اصلا حياة دي واحدة رخيصه استخدمت اسلوب رخيص زيها عشان توقع ابنك وانا هعرفها كويس مين روان هي لحد دلوقتي مشفتش مني غير الحلو وبس وبعدين مش هتشوف غير الوحش
حياة كانت رايحه الحمام سمعت روان وهي بتتكلم بصتلها بالم ودموع ودخلت الحمام
روان بصيت لطفيها وابتسمت بشر وخرجت برا المطبخ
بصيت على الاسوره بتاعتها اللي على التربيزه جريت خدتها ودخلت اوضه حياة وهي بتبص وراها تشوف فيه اي حد شايفها ولا لأ
دخلت الاوضه وحطيت الاسوره في وسط هدوم حياة وخرجت من الاوضه
حياه كانت واقفه على الحوض بتستفرغ بتعب خلصت وغسلت وشها وخرجت وهي ماسكه معدتها بارهاق
روان بصتلها بشر
ظهرت على ملامحها القلق واتكلمت بصوت عالي نسبيا خالتي انا مش لاقيه الاسوره بتاعتي
خرجت ناديه من المطبخ واتكلمت بهدوء لا مشفتهاش دوري عليها كدا يمكن وقعت تحت اي كرسي
روان دورت عليها ملاقتهاش خالص
خرجت رندا من اوضتها
اتكلمت روان بتساؤل مشفتيش الاسوره بتاعتي
رندا لا والله
روان بغضب ما هي كانت هنا يعني الارض انشقت وبلعتها يعني
يارا العزيز
ناديه اهدي يا روان اكيد هنلاقيها ادام محدش خدها
روان وهي بتبص لحياه اللي كانت بتبص لارضيه الصاله وهي بدور على الاسوره وانتي يست حياة
حياة لا مټخافيش هدورلك عليها وهلاقيها
روان ياريت فعلا تجبيها هاتي الاسورة بتاعتي يحياه
حياة بس هي مش معايا عشان اديهالك وأنا قولتلك هدور عليها
قاطعتها روان وهي بتتكلم بغضب لا يا حياة انتي خدتيها لانك بتحبي الاسوره دي وديما بتقولي شكلها حلو
حياة هي عاجبني اه بس مش لدرجه اني اسرقها
في الوقت دا دخل كريم فيه ايه
روان بثقه وهي بتربع ايديها فيه ان مراتك اللي انت اتجوزت عليا سرقت الاسورة الدهب بتاعتي
كريم بحمقه مستحيل حياة تعمل كدا دوري عليها هتلاقيها واقعه هنا ولا هنا
روان بغضب لا انا دورت وملاقتش حاجه وبعدين انت مالك محموق اوي كدا ليه ما اللي تزني ممكن جدا تسرق
حياة بصتلها بدموع والجمله كسرت قلبها
اتكلم كريم بغضب مفرط روان الزمي حدودك
روان بسخريه ايه يحبيبى دوستلك على الجرح هي مش دي الحقيقه ولا ايه ولا الاستاذ كريم نسي اللي عامله على العموم دا مش موضوعنا انا دلوقتي عايزه الاسوره بتاعتي
حياة بصتلها بغضب ومقدرتش تسيطر على غضبها وخصوصا بعد اللي روان قالته
حياة بدموع وغضب وانا قولتلك مش معايا روحي شوفي انتي كنتي حاطها فين
روان بثقه تمام المياه تكدب الغطاس انا دلوقتي هدور في اوضتك ونشوف انتي فعلا خدتيها ولا لأ
كريم بغضب رواااااان
بقلمي يارا عبدالعزيز
حياة تمام تعالي دوري
دخلت روان الاوضه وكلهم دخلوا وراها بدأت تدور في الاوضه كلها قبل الدولاب بصيت للدولاب ببأبتسامه وفتحته وفتشت في وسط الهدوم وطلعت الاسوره
بصتلها حياة وكل الموجودين بصدمه
روان بسخريه وايه اللي جابها في هدومك بقى لو انتي مخدتيهاش
يارا العزيز
حياة بدموع معرفش والله أنا فعلا مخدتهاش
روان بسخريه حراميه وكدابه لدرجة دي اهلك معرفوش يربوكي
كملت وهي بتبص لكريم وبتتكلم بسخريه ايه يكيمو مش دي اللي كنت محموق اوي وانت بتقول مستحيل تسرق اهي سرقت يحبيبى
كريم بصلها وسكت ومش عارف يقول ايه
راحت روان عند حياة صفعتها بقوة على وجهها
بصوله الجميع بصدمه كبيره حياه حطيت ايديها على وشها وقبل ما تتكلم قاطعتها روان وهي بتتكلم بحده
دا عشان متسرقيش تاني ولو اهلك معرفوش يربوكي انا اللي هربيكي
قالت كلامها وطلعت من الاوضه حياة بصيت للجميع وبصيت لنظرات الاتهام والاحتقار اللي في عيونهم
خرجوا كلهم من الاوضه حسيت انها ملهاش اي حد وانها يتيمه قعدت على الارض وفضلت تعيط واتكلمت بألم وتوسل يااا رب ارحمني
في المساء
كانوا كلهم قاعدين وبيتعشوا
مجدي بتساؤل اومال حياة فين مش هتتعشى
ناديه بصتله بخوف شديد من انه يعرف باللي حصل وباللي عملته روان في حياة قالت انها تعبانه وهتنام
مجدي وهو بيبص لكريم هو مش الدكتور قال تتابع مع دكتورة نسا مخدتش مراتك ليه توديها وتطمن عليها وعلى ابنك
كريم بهدوء حاضر يا بابا هوديها
روان بصيت لكريم بغضب والم من ان فيه واحدة تانيه شايله حته منه غيرها
قامت من على كرسي السفره والدموع في عينيها عن اذنكوا انا طالعه شقتي
كانت لسه هتمشي بس وقفتها حياه اللي خرجت وهي ماسكه اللاب بتاعها وبتتكلم بثقه على فين يا روان استني السهره لسه هتبتدي معايا ليكوا حته فيلم هيعجبكوا اوي
ناديه بحده فيلم ايه هو ايه شغل العيال دا
حياه بثقه مش هتندمه يا مرات عمي هنشوفه كلنا يلا
راحت حياة عند الشاشه بسرعه ووصلت الشاشه باللاب بتاعها وفتحت الفيديو ووقفت قدام الشاشه وهي بتابع معاهم
اڼصدم الجميع بشده لما شافوا روان وهي داخله اوضه حياة وبتحط الاسوره في الهدوم
