ريم بضيق: استغلالية!
بسنت بغيظ: حسبي الله ونعم الوكيل في الولية دي… يعني هي بتاكل لحمة وفراخ وأكل عدل، وتأكلنا إحنا عدس كل يوم!
مريم بحزن: ربنا على الظالم… وياخدلنا حقنا كلنا إن شاء الله.
ريم وبسنت: إن شاء الله.
ثم سمعوا صوت الفتيات وهن يتألمن.
بسنت بحزن: ربي ينتقم منها، بتعذبهم.
مريم والدموع في عينيها: زي ما أذت ظهري ورجلي بضربها.
ريم: ربنا كبير ومش بيضيع حق حد… يلا نخلص الأكل بتاعها بدل ما تبهدلنا.
مريم: ماشي.
مساءً..
بسنت بهمس: ها خلصتوا؟
ريم بهمس: أنا خلصت.
مريم بهمس أيضاً: وأنا جاهزة بس خايفة.
بسنت: متخافيش… صحيح روحي وهاتي التليفون.
مريم بفزع: تليفون مين؟ أوعد تقولي…
بسنت بابتسامة: اه، هو بتاع الولية اللي اسمها رجاء.
مريم: لا أخاف… وكمان لو حصله حاجة هتسلخني.
بسنت بنفاذ صبر: متخافيش مش هتسلخك… هتروحي ولا أمشي بدونك؟
مريم: حاضر حاضر.
وتسحبت على أطراف أصابعها لغرفة العجوز القاسية رجاء، وأخذت الهاتف وخرجت.
مريم بقلق: ربنا يستر… عشان لو حصل حاجة للموبايل ده هتموتنا.
ريم: هههه هو ده موبايل أصلاً!
بسنت: يلا بقى اتأخرنا.
ريم ومريم: حاضر.
وصل أمير ومراد الحفل الصاخب، وتجمعت حولهم الفتيات.
مراد: ها، فين البنت اللي بتجيب صحابها معاها؟
أمير: أها قصدك بسنت… انت اهتميت ولا إيه؟
مراد: لا… بس داخلة مزاجي.
أمير: عموماً هي جاية.
***** وصلت بسنت ومريم وريم الحفل.
أمير وهو يصفر: شوف بقى!
نظر مراد للاتجاه الذي ينظر له أمير.
أمير بإنبهار: البنات اللي معاها المرة دي شكلهم مميز جداً.
مراد بابتسامة جانبية جذابة: حلو أوي.
ثم نظر أمامه وقال بخبث: شكلها هتبقى سهرة حلوة.
قهقه أمير، وأتت بسنت أمامهم.
بسنت بدلع: اتأخرنا؟
أمير: أبداً… تعالوا.
جلست بسنت بجانب أمير، وجلست مريم وريم بجانب بعضهما تنظران حولهما باستغراب للأجواء.
مريم تحدث نفسها بأنزعاج: أنا إيه اللي خلاني أجي الأماكن دي، مش ليا… مكنش ينفع أجي… يارب سامحني، أنا كنت فاكراها حفلات زي اللي شفتها في التلفزيون مش اللي شايفاه دلوقتي.
ريم تحدث نفسها بسعادة: وااو بقى وأخيراً جيت هنا… أنا عايزة أستمتع شوية.
أتى شاب وقدم يده لها لإصطحابها للرقص فوافقت ونهضت معه ريم.
بسنت بدلع: ما تقوم يا أمير نرقص.
أمير بخبث: يا عيون أمير.
نظرت مريم حولها بضيق، ثم لاحظت نظرات مراد المثبتة عليها.
مريم تحدث نفسها: يوه، يعني لازم يسيبوني كده!
فجأة وجدته واقفاً أمامها.
مراد بابتسامة جذابة: ترقصي؟
نظرت له وقالت بصوت خافت: مش عايزة.
أمسك بيدها وأوقفها وسحبها لنصف القاعة، وبدأ في تحريكها للرقص.
كانت تنظر له تحاول استيعاب حركته السريعة التي أخذتها لمنتصف القاعة.
مراد بهدوء: مينفعش واحدة زيك ترفض ترقص معايا.
مريم بعدم استيعاب: ها؟
مراد: استمتعي بالرقصة.
شعرت بالضيق من تقربه وانزعجت، فلم تعلم من أين أتت لها تلك الشجاعة التي جعلتها تبعده عنها وتصفعه… فأنخفضت أصوات الموسيقى ونظر الجميع لهما!
اقتربت بسنت من مريم وهمست في أذنها بفزع:
بسنت: انتي عملتي إيه يا غبية!
مريم بخوف: مش عارفة.
بسنت وهي تضرب كفاً بكف: ليلتنا سودة!
نظرت لها مريم وهي تكاد أن تبكي: هيعمل إيه؟
كان ينظر لها ووجهه أحمر من شدة الغضب، وقال بهدوء مخيف:
مراد: انتي واعية للي عملتيه؟
مريم بصوت مرتجف: مش عارفة.
ضحك البعض فنظر لهم مراد فصمتوا.
مريم تكاد أن تبكي: أنا أسفة… مش… مش عارفة عملت كده ازاي.
مراد وهو يكور قبضته: أسفك مش مقبول.
من كثرة خوفها عرقت يداها، فانزلق الهاتف من يدها فوقع على الأرض وانكسرت شاشته.
ريم بفزع: الموبايل!
بسنت في سرها: يا لهوي… ليلتنا طين!
نظرت للهاتف وبكت، ونزلت على ركبتيها لتأخذه، ولكنها وجدته يضع رجله على الهاتف ويدعس عليه. رفعت ناظريها فقال بسخرية:
مراد: كده خلصنا.
وتركها وذهب.
بسنت تمسك قطع الهاتف المبعثرة وتقول بحسرة: هنعمل إيه؟
مريم ببكاء: مش عارفة.
بسنت بغضب: كل ده بسببك… انتي اللي هتتحمليها!
ريم: اهدى يا بسنت عليها شوية.
وساندت ريم مريم.
أمير: هتمشوا؟
بسنت: اه للأسف.
أمير: هتيجي بكرة؟
بسنت: هحاول… سلام.
وغادرت مع مريم وريم.
ذهب أمير لمراد.
أمير: إيه اللي انت عملته ده؟
مراد بلامبالاة: مش ذنبي… هي غلطت وأنا خدت حقي.
أمير بضحك: بس البنت وشها جاب ألوان، حرام عليك.
مراد: تستاهل.
شعرت رجاء بالعطش فنهضت من عز نومها لتشرب، ثم عادت لغرفتها ووضعت يدها على الطاولة الصغيرة الموجودة بجانب سريرها، فلم تجد الهاتف، فارتدت نظارتها الطبية.
رجاء: فين الموبايل؟
سمعت صوت همس فخرجت من غرفتها ورأتهم.
رجاء بصوتها المزعج: اقفوا عندكم!
وقفوا في أماكنهم بصدمة وخوف.
رجاء بغضب: إيه اللي انتوا لابسينه ده؟ ومنين جايين؟ وازاي خرجتوا أصلاً بدون معرفتي؟
بسنت بصوت مرتجف: ااا… هو… ااا…
رجاء بصوت عالٍ يملأه الغضب هز الملجأ كله: انتوا بتعملوا إيه في الساعة دي برة؟
ثم لاحظت الهاتف المكسور الممسكة به مريم.
رجاء: ده الموبايل بتاعي؟
أخفت الهاتف خلف ظهرها بخوف، فتقدمت رجاء وأمسكت يدها بعنف ونظرت للهاتف المكسور لمئة قطعة.
اتجهت رجاء لغرفتها بصمت وخرجت بعد ثوانٍ وبيدها العصا… وضربت ثلاثتهن، ولكن من نالت النصيب الأكبر هي… مريم.
نائمة على سريرها المتهالك… تبكي بقهر وتتألم.
اليوم التالي، صباحاً..
في الشركة، وتحديداً في مكتب مراد.
مراد على الهاتف: جيبيلي قهوة سادة يا هبة راسي بتلف.
هبة: حاضر يا فندم.
وأغلق الخط وأغمض عينيه وأعاد رأسه للخلف… بعد دقائق رن هاتفه، نظر للشاشة فوجدها والدته.
مراد: زيزي هانم بتتصل بيا مخصوص.
سوزان: ازيك يا مراد يا حبيبي؟
مراد: الحمد لله… متصلة عشان زي كل مرة؟
سوزان: لا… بس باباك تعبان شوية فمش هيجي الشركة، فألغي كل الاجتماعات والمقابلات.
مراد: اممم حاضر… وأنا أول ما أخلص شغلي هاجي أطمن عليه.
سوزان بحزن: عليه بس؟
مراد بابتسامة دافئة: وانت كمان طبعاً.
سوزان: ماشي يا حبيبي… متتأخرش… سلام.
مراد: سلام.
دخلت هبة وقدمت له القهوة وخرجت لتتابع عملها.
في الملجأ، فتحت عينيها بألم ونهضت من فراشها ببطء، واتجهت للحمام الصغير جداً ودخلت… فتحت الماء ليزيل أثر الإرهاق والجراح الموجودة على ظهرها… دموعها وآلامها وقهرها اختلطت مع الماء، وضعت يدها على وجهها وأصبحت تبكي بمرارة وتناجي ربها في سرها: “يارب ارحمني من العيشة دي.. أنا كبرت بدون أم ولا أباً، وعشت مع واحدة عجوز قاسية عليا ومعندهاش قلب.. يارب ريحني بقى يارب”.
أغلقت الصنبور وارتدت ملابسها وخرجت من الحمام، وجدت بسنت وريم وفتيات أخريات متجمعات يتحدثن بهمس عن شيء، فاقتربت منهن لتشاركهن.
بسنت: أنا سمعت النهاردة الصبح الولية رجاء دي كانت بتتكلم في التليفون.
ياسمين: عن الراجل العجوز ده برضه؟
