في فيلا كبيرة، أفراد عائلة “آل محمود” جالسون على سفرة الطعام الفاخرة الممتلئة بأكثر من عشرة أصناف.
سوزان: خف شوية يا محمود على ابنك.
محمود: يعني؟
سوزان: يعني براحة على ابنك في الشغل، انت مخليه شايل كل الشغل.
محمود: هو اشتكى؟
سوزان: لا.
محمود: خلاص يبقى متطلعيش كلام، وغير كده هو شايل بس قسم واحد، يعني ولا حاجة قدام الخمس أقسام اللي أنا ماسكهم.
سوزان باستنكار: برضه!
محمود بحزم: خلاص بقى عايز أكل.
سوزان بضيق: سكت.
محمود: هو فين؟
سوزان بضيق: راح الشغل ومرضيش يأكل ولا لقمة بسبب شغلك.
محمود بابتسامة: كده كويس أنا عايز كده.
نظرت له بغيظ وأكملت طعامها.
في الشركة..
تدخل السكرتيرة التي ترتدي ملابس محتشمة.
هبة: استاذ مراد، سوزي هانم اتصلت.
مراد وهو ينظر في الورق: ها، وكانت عايزة إيه؟
هبة: كانت بتوصي حضرتك إنك مترهقش نفسك في الشغل.
أطلق ضحكة وقال: بابا وماما مش هيدغيروا… ماشي يا هبة كتر خيرك.
هبة بابتسامة خفيفة: عن إذنك.
وغادرت، وفور خروجها أتى اتصال لمراد.
أمير: ها، النهاردة في حفلة هتيجي؟
مراد: أكيد هاجي، انت بتهزر مثلاً؟
أمير: افتكرت إنك اتغيرت بعد اللي عملته قدام أباك.
مراد: هههههه لا، دي كانت تمثيلية… بس أنا قدام أبويا وأمي عامل إني المطيع والملتزم في الشغل وكده.
أمير بسخرية: والسكرتيرة المحتشمة دي؟
مراد: دي من التمثيلية برضه… فكك دلوقتي، المهم بالليل في الحفلة.
أمير:اوكي… والحفلة هتتعمل في مكان جديد.
مراد: فين؟
أمير: النادي الساهر.
مراد: ههههه ما ده مكان كل مرة.
ثم سمع صوت والده.
مراد بسرعة: اقفل اقفل الوالد جه.
وأغلق الخط ونظر للورق الموجود أمامه.
دخل محمود وقف مراد على الفور احتراماً له، وتقدم وقبّل يد والده.
محمود برضا: ربنا يحميك لشبابك يا ابني.
مراد: تشرب إيه؟
محمود: مش عايز، بس جيت أطمن عليك.
مراد بابتسامة: أكيد ماما موصية.
محمود: هههه أكيد… المهم خلصت ورق الصفقة وشيكت عليها؟
مراد: أهو قربت أخلصها.
محمود: كويس أوي… هتيجي الفيلا ولا؟
مراد: لا النهاردة هخرج مع أمير.
محمود: ماشي بس متتأخروش في الخروجة عشان الشغل.
مراد: حاضر.
نهض محمود وغادر.
مراد: يلا بقى أنا أخلص الورق ده بسرعة وأطير أروح الحفلة.
(( مراد هو الوريث الوحيد لشركات “”آل محمود للمفروشات””، شاب في الـ 27 من عمره، وسيم بشعر أسود وبشرة قمحية وعينين بنيتين غامقتين. ممتاذ ومجتهد بعمله جداً، ويحب الخروج والتردد على الحفلات. ))
في دار أيتام قديم، تشهد جدرانه على الحرمان والقسوة… وليس فقط جدرانه، بل أيضاً أجساد هؤلاء الفتيات تشهد على آلامهن وتعذيبهن.
رجاء بصوتها المزعج: يلا خلصوا مسح وانتوا خلصوا تلميع.
الفتيات بخفوت: حاضر.
رجاء بغضب: تعالي يا بت يا مريم.
نهضت مريم بسرعة من على الأرض واتجهت لها، مريم مخفضة رأسها.
رجاء وهي تضربها: هي دي طريقة مسح دي؟
مريم بألم: أنا أسفة.
رجاء بقسوة: إيه أسف دي هصرفها فين؟ يلا روحي كملي شغلك.
أومأت برأسها وأكملت عملها.
(( مريم فتاة يتيمة الأم والأب، تعيش في هذا الملجأ مع هذه العجوز التي لا يوجد في قلبها ذرة رحمة لهؤلاء اليتامى. هي في الـ 20 من عمرها، ذات شعر بني قصير وبشرة سمراء وعينين عسليتين. ))
بعد إنتهاء الفتيات من عملهن، جلسن على الطبلية المتهالكة وبدأأن في أكل نصيبهن من الطعام اليومي “العدس”.
رجاء: أنا داخلة أرتاح مش عايزة أسمع صوت.
واتجهت لغرفتها.
أصبح الفتيات يتحدثن بهمس.
ريم: ها يا بسبس النهاردة دوري أنا ومريم صح؟
بسنت: أيوة النهاردة دوركم انتوا الاتنين، استعدوا.
ابتسمت ريم.
مريم: بس هنلبس إيه؟
بسنت: عيب عليكي انتي مش عرفاني ولا إيه؟
مريم بحزن: بس أنا مش هعرف ألبس الفساتين دي.
بسنت بضيق: ليه إن شاء الله؟
مريم بحزن: عشان الجروح والآثار اللي في جسمي دي.
بسنت شفقة: امممم هشوفلك فستان يداري الحاجات دي.
أومأت برأسها.
ريم بحماس: ها يا بسبس طب قوليلي الأجواء في الأماكن دي إيه؟
ياسمين بإنبهار: مكان تحفة، وناس راقية أوي.
بسنت بغضب: هي سألتني أنا!
ياسمين: أوبس أسفة.
ريم: أنا متحمسة أوي… وانتي يا مريم؟
مريم: أنا خايفة لنتكشف… أصل أنا منحوسة دايما.
بسنت: ههههههه كل مرة مش بنت كشف يعني، المرة دي هنت كشف؟ لا إن شاء الله ربنا يستر.
مريم: ربنا يستر.
بسنت: يلا يا ريم ومريم عشان تختاروا فساتين قبل ما الولية دي تصحى.
مريم وريم: حاضر.
ياسمين وهي تضع يدها على وجهها: اخخ امتى يجي دوري تاني.
أخرجت الفساتين وبدأت ريم ومريم في اختيار فساتين لهما.
اختارت ريم فستاناً…
ريم بإنبهار: روعة، انتي منين بتجيبي الفساتين دي؟
بسنت: سر المهنة… المهم انتي يا مريم هتختاري إيه؟
مريم بابتسامة: أنا هختار الأحمر ده.
بسنت: اوكي، اختياركم حلو.
ريم: وانتِ هتلبسي إيه؟
بسنت: ده.
مريم: بس ده مكشوف أوي.
بسنت: مناسب بالنسبة لي.
مريم: براحتك.
سمعوا صوت رجاء فأخفوا الفساتين بسرعة وخرجوا.
رجاء: كنتوا فين يا بت منك ليها؟
بسنت: أبداً يا حاجة، ده إحنا كنا بنرتب السراير.
رجاء: امممم ماشي… يلا اعملولي أكل.
بسنت: حاضر.
رجاء: في كام كيس لحمة جوة؟
مريم: واحد بس.
رجاء: ماشي اعملهولي.
دخلت ريم ومريم وبسنت المطبخ الضيق.
بسنت: اعملوا انتوا الأكل للولية دي.
ريم: ليه إن شاء الله، مش هي طلبت منك انتي؟
بسنت: مش هاخدكم النهاردة الحفلة ولا إيه؟
مريم: ماشي… خلاص يا ريم تعالي نعمل أنا وانتي.
