روايات وقصص

ورد الجناين ميمي عوالي

مها وهى تحاول تلطيف الأمر: انت ليه أخدتها كده يا حكيم؟ انا مش قصدي طبعا كل ده!
ثم اقتربت منه وهى تكمل: واضح ان فى حاجة مضايقاك، احكيلى ياحبيبى ايه اللى مضايقك؟
ليبتعد عنها حكيم مرة أخرى وهو يصيح بوجهها: انتى اللى مضايقانى يامها!
مها پصدمة: انا يا حكيم! انا عملت ايه؟
حكيم بتنهيدة: ماعملتيش يامها وده اللى مضايقنى.
مها: انا مش فاهمة حاجة.
حكيم وهو يحاول تهدئة نبرة صوته: هو انا مش سبق واديتلك الشهر اللي فات عشرتلاف جنيه عشان تجيبى لبس مناسب غير لبسك ده؟
مها وهى تدعى الحزن: انت بتعايرنى ياحكيم؟
حكيم وهو يزفر أنفاسه: اسمعى يامها، دى خامس مرة اديكى فلوس عشان الموضوع ده ومابتنفذيش! وكل مرة بحجة؛ مرة تعب ماما وعلاجها، ومرة اتسرقوا منى، ومرة اصل اخويا شافهم معايا واخدهم ڠصب عنى، واخر مرة أصل مش عارف بابا احتاجهم فى ايه! ياترى بقى المرة دى حجتك ايه؟
مها پغضب: ده انت عاددهم عليا بقى! انا ماكنتش اعرف انك بخيل كده!
حكيم بدهشة: بخيل! خمسين ألف جنيه خلال اربع شهور وبخيل؟
ثم اقترب منها قائلا بحزم: ماشتريتيش الهدوم ليه يامها؟
مها بغرور: مافيش حاجة عجبتنى.
حكيم بذهول: نعم! معلش قولى تانى كده؟
مها بلجلجة: نزلت اشترى وماعجبنيش حاجة، المواصفات اللى انت عاوزها بلدى اوى وفلاحى مش الاستايل بتاعي.
حكيم: واستايلك بقى اللي هو المحزق الملزق اللى انتى لابساه ده مش كده؟
مها: دى حياتى وانا زى مانا كده ياحكيم ولازم تقبلنى زى مانا.
حكيم: ولو ماقبلتش؟
مها: تبقى مابتحبنيش.
حكيم: يبقى انتى كمان لما جبتى وقلتيلى انك معجبة بيا وبتحبينى وانتى كنتى عارفة انى متجوز ورغم ذلك كنتى عاوزانى ارجع ورد تعيش فى البلد، ماكونتيش بتحبينى!
مها: لا طبعا كنت بحب اى بغير عليك.
حكيم: طب وانا كمان بغير عليكى وانتى بشكلك ده، ومش عاوز اللى رايح واللى جاى يتفرج عليكى وعلى جسمك اللى متفسر ده.
مها بتذمر: بس انا بحب دايما ابقى جميلة فى عيون الكل.
حكيم بنفاذ صبر: الكل! الكل يامها؟ انتى مابتحاوليش تعملى اى خطوة ولا تبذلى اى مجهود، عاوزانى انا اللي على طول اقدم تنازلات وانتى تاخدى وبس! انا اسف يامها مش هقدر، ماعنديش اى استعداد انى ابقى خيال راجل من هنا ورايح، احنا مجرد زملاء وبس وكفاية عليا خساير لحد كده.
مها بعصبية: كل ده عشان الخمسين ألف جنيه؟
حكيم: ياريتها جت على الفلوس وبس، لكن للاسف اللي ضاع اغلى بكتير.
لتنظر له مها كالأبلة پغضب ثم التفتت وتذهب إلى الخارج وهى تدق بقدميها الأرض ڠضبا.

وبعد أن خرجت مها وتركت الباب مفتوحا، دخل اسماعيل إلى حكيم وأغلق الباب خلفه وهو يقول: انت جيت امتى؟ انا كلمتك كذا مرة.
حكيم محاولا نسيان ماحدث: مابصيتش فى تليفونى، كان فى حاجة مهمة واللا ايه؟
إسماعيل: كان جايلنا قضية جديدة وكنت عاوزك تقعد مع الموكل وتناقشه فيها.
حكيم: معلش يا اسماعيل انا عارف انى متقل عليك اليومين دول، بس اوعدك انى هفوقلك واعمللك اللى انت عاوزة.
إسماعيل: روحت لورد؟
حكيم متنهدا: أيوة.
إسماعيل: ايه اللى جد خلاك مهموم اوى كده؟
لينظر حكيم إلى صديقه قائلا: مش عارف يا اسماعيل، حاسس انها خدت دقة من قلبى معاها.
إسماعيل محاولا المرح: طب الحمدلله انها دقة واحدة يعنى هتعيش اهوه!
ليقف حكيم ويتجه إلى نافذته مرة أخرى وقال: تصدقنى لو قلتلك انى مش قادر اتنفس؟ حاسس انى مخڼوق، حاسس ان دقات قلبى ناقصة، خاېف عليها اوى.
إسماعيل: ده لأنها طول عمرها تحت عينك وكنت دايما مسئول عنها، بس صدقنى ورد بمېت راجل.
حكيم: مش ده اللى مخوفنى.
إسماعيل: اومال ايه اللى مخوفك؟
حكيم: خاېف تقابل راجل يحسسها بحبه فتحبه.
ليزوى اسماعيل مابين حاجبيه وهو يقول بدهشة: ايه يا حكيم انت حبيتها واللا ايه؟
ليصمت حكيم فيكمل اسماعيل: يعنى جاى تحبها بعد ماتنفصل عنها؟ ماهى كانت بين ايديك!
حكيم: الظاهر انى كنت غرقان لشوشتى من زمان بس انا اللى كنت غبى واعمى ومش فاهم.
إسماعيل: طب ومها؟
حكيم: تصدق انى اكتشفت أن عمرى ماحبيتها! مها بالنسبة لى كانت زى التحدى، واكتشفت انى خسړت التحدى ده وانى كمان مش اده. مها مختلفة عنى تماما، وكنت فاكر أنها لما جت قالتلى أنها بتحبنى أن عندها استعداد أنها تتنازل وتتغير زى مانا كنت بتنازل عن حاجات كتير مهمة اوى عشانها. وللاسف انا اللى ابتديت بالتنازلات وهى قالتلى اسفة ماينفعش. بس تصدق مازعلتش ولا اتضايقت من حاجة قد مازعلت من نفسى على اللى عملته مع ورد. وافتكرت الليلة إياها واكتشفت أن غضبى وغلى ماكانش على منظرى ولا رجولتى زى ماقلتلها، لأ، لكن كان من تخيلى ليها وهى بتحب راجل تانى وبتديله عمرها. كانت دايما بتبصلى بنظرة فيها لوم وعتاب وانا كنت غبى ومش عارف أفسر نظرتها دى. أنا متأكد أن ورد بتحبنى زى مانا بحبها، لكن برضة متأكد انها لا يمكن تسامحنى على اللى عملته.
إسماعيل وهو يربت على كتف صديقه: اللى بيحب بيسامح يا صاحبى، وعشان تبقى تصدقنى بعد كده.
لينظر له حكيم بتساؤل فيقول اسماعيل: ماتنساش انى حذرتك كتير من مها وانت كنت فى وادى تانى.
حكيم متنهدا: وادينى دفعت التمن غالى اوى.
إسماعيل: الايام بتنسى، اصبر يمكن يكون ربنا كاتبلنا فى اللى جاى خير.

بعد مرور شهر على وصول ورد إلى لندن، تستقر بالجامعة وتقيم مع زميلة لها بنفس جامعتها ولكنها تخصص آخر؛ فورد تدرس جراحة الأعصاب، أما زميلتها نور فهى تدرس علم البرمجيات. وسرعان ما اندمجت ورد مع نور وكونا صداقة جميلة برعاية الغربة والوحدة. وكانت ورد تهاتف عمها بانتظام مساء كل ليلة جمعة، ويجمعها البكاء مع زوجة عمها التى يعتريها القلق الشديد على حملها وهى وحيدة، وطلبت منها زوجة عمها أن تتحدث الى نور، وبالفعل تحدثت إليها وأخذت توصيها على ورد وجنينها، ووعدتها نور أن تظل دائما ملاكها الحارس. حتى جاء موعد ولادة ورد التى نقلتها نور على الفور إلى أحد المشافى ولم تتركها حتى وضعت مولودتها وعادت بها مرة أخرى إلى منزلهم.
تحت رعايتها
نور وهى تعدل وضع نوم ورد وتناولها طعامها بس انتى لسه ماقلتيليش هتسمى القمراية دى ايه
ورد بابتسامة هسميها نوارة
نور بسعادة وهى تصفق بيديها الله كناية عن أسمى مش كده
ورد ضاحكة كان نفسى اكدب عليكى واقول لك ااه بس مسيرك تعرفى الحقيقة فى يوم من الايام
نور بإحباط وهى تمد شفتيها بامتعاض وايه هى بقى الحقيقة دى
ورد بابتسامة ده اسم امى الله يرحمها
نور الله يرحمها ويخليلنا نوارة الصغيرة القمراية دى بس شكل مين ياورد مش شكلك خالص مش واحدة منك غير لون شعرك
ورد بشرود حزين شكل باباها
لتصدر نور صفيرا عاليا وتقول ده واضح انه مز اوى
ورد وهى مازالت على شرودها وكأنها تتذكر كل ماقد كان كفاية أنه راجل
نور حبيتيه
ورد اكتر من روحى
نور باستغراب اومال اتطلقتوا ليه
ورد وهى تحاول تغيير الحديث الحب مش دايما بيبقى كفاية وبعدين انتى هتاكلينى واللا هترغى
نور أيوة استعبطى استعبطى انتى بس بتغيرى الموضوع وانا هعديهالك بمزاجى
ورد ضاحكة ماشى يا ام العريف بس انا عاوزة اخلص اكل بسرعة عشان اكلم عمى النهاردة معاد مكالمتهم
نور كلى بس الاول وماتقلقيش انا فاكرة
وبعد انتهاء ورد من طعامها تقوم بارضاع صغيرتها وتصويرها على هاتفها وتقوم بإرسال الصور الى عمها وزوجته ثم تقوم بمهاتفة عمها
عتمان اتأخرتى عليا المرة دى ياورد طمنينى عليكى يا بنتى
ورد احنا بخير ياعمى ماتقلقش علينا
عتمان وانتى مش محتاجة حاجة يابنتى
ورد بابتسامة محتاجين دعاك بس ياعمى ادعيلى وادعى لنوارة
عتمان هى مش اسمها نور
ورد بمرح جرى ايه ياعمى مش تركز معايا كده نور تبقى زميلتى لكن نوارة نوارة تبقى حفيدتك ياحاج عتمان
لينتفض عتمان من مجلسه وهو يتقافز فرحا رغم تقدم عمره قائلا الله اكبر الله اكبر حمدالله على السلامة ياقلب عمك انتى ونوارة اللى نورت الدنيا كلها
لتدخل حكمت على صوت زوجها العالى وهى تستفسر عن سبب سعادته البالغة ليقول بقيتى جده يا ام حكيم ورد قامت بالسلامة وجابتلنا نوارة
ليسمعا صوت شئ ما وقع متهشما على الأرض ليلتفتوا إلى مصدر الصوت ليجدوا حكيم يقف والصدمة تعلو وجهه وقد وقع فنجان قهوته ارضا وصار هشيما

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى