البارت العاشر: كانت صديقة ماما المقربة وبنت عمها وماما كانت بتثق فيها، عمرها ما اتخيلت إنها تطلع بالشكل ده. فضلت تلف حوالين بابا لحد ما خلته يتجوزها رغم إنها عمرها ما حبته، لكن حبت تكسر أمي. تخيل صديقة عمرك وبنت عمك تتجوز جوزك، كان إحساس صعب! وياريت اكتفت بكده، لا ديه كانت بتعامل ماما كخدامة عندها وتحرض بابا عليها وتخليه يزعق لها. ولما ماتت كانت عاوزه ترميني في الشارع بس بابا رفض واتعصب عليها، فخلتني خدامة عندهم.
وقتها واجهتها وسألتها بتعمل معانا كده ليه، قالت لي إنها بتغير من أمي من وهى صغار؛ ديماً ماما كانت أحسن منها حتى في التعليم، هى كانت ناجحة ومتفوقة لكن انتصار لا. اتهمتها إنها أخدت حب عمرها قاسم، لكن ده محصلش، انتصار عمرها ما حبت بابا، هى بتحب فلوسه وبس. لما جبت مجموع كبير في الثانوية العامة يوصلني إني أبقَى مهندسة، رفضوا يخلوني أكمل وقالت لي إنها مجرد خدامة وبس.
_قعدت على طرف السرير ودموعي مغرقة وشي.
_ماما ماتت بسببهم، جالها القلب ورفضوا يعملوا لها العملية، حتى الشخص اللي حبته موقفش جنبها. ماتت بحسرتها يا رحيم، ماتت بسببهم وسابتني لوحدي. عشت طول السنين ديه لوحدي، أربع سنين عايشة في جحيم معاهم؛ تعامل قاسي وإهانة وحبس في أوضتي الضلمة.
_فضلت أعيط، كان أول مرة اطلع كل اللي في قلبي وأحكيه لحد. قام من على السرير وقعد جنبي، أخدني في حضنه وكل حصوني القوية انهارت في حضنه. فضلت أعيط بقهر وهو بيحاول يهديني:
=هششش أهدى خلاص، أنا جنبك ومش هسيبك، وأوعدك هندمهم كلهم.
_انت.. انت مش هتسبني صح؟
_ابتسم وشدد على حضني: مستحيل أسيبك يا حورية، وأوعدك حياتك كلها هتتغير بس أوثقي فيا ممكن؟
_طلعت من حضنه وهزيت رأسى بالموافقة.
ابتسم وشدني لحضنه تاني وفضل يمشي إيده على شعري لحد ما روحت في النوم.
وفي صباح يوم جديد:
قومْت من جنبه ودخلت غيرت هدومي ونزلت طلبت من الخدم كلهم يطلعوا من المطبخ علشان أعمل أنا الأكل.
♡رحيم قام ملقاش حور، دور عليها ملقهاش، نزل بسرعة لقاها واقفة في المطبخ وبتعمل أكل. ابتسم وقرب حضنها من ظهرها.
_كنت بعمل أكل لقيته شدني من خصري وحضنني من ضهري. اتوترت ولفيت وشي ناحيته:
_انت صحيت امتى؟
رحيم بابتسامة: من شوية، أنتِ إيه جابك هنا وفين الخدم؟
_ابتسمت بحماس: أنا خرجتهم وحبيت أعملك الأكل بنفسي.
=يبقى هفطر أجمل أكل النهارده طالما من إيدك!
ضحكت: هتخليني أشوف نفسي عليك بعد كده.
رحيم بضحك وهو يحملها ويضعها على الرخامة: وايه المشكلة يا جميل؟ إيه رأيك أساعدك؟
_ضحكت ونزلت من على الرخامة: موافقة.
*_ابتسم وبدأ يساعدني وعملت الأكل وطلعنا فطرنا مع بعض.
=جميل أوي يا حوريتي، تسلم إيدك. ومسك إيدها وباسها بحب.
_فرحت أوي ومسكت المعلقة وقربت أكلته بإيدي. كنت شايفة لمسة عيونه بفرح أوي لما بشوف لمعة عيونه ونظرة الحب اللي في عيونه ليا.
_رحيم.
=قلبه.
_ممكن أطلب منك طلب؟
*ابتسم ومسك إيدي: اطلبي يا حورية.
_ممكن نطلع مع بعض النهارده ونتمشى شوية؟
رحيم بابتسامة: موافقة، هخلص شغل وهاجي آخدك.
_عاااا شكرا، أنا مبسوطة أوي.
_قام وباس رأسى: وانا عاوزك ديما تكوني مبسوطة.
_ضحكت وبصتله بحب: طول ما أنت جنبي أكيد هكون مبسوطة.
_ابتسم ومسكني من إيدي وطلعنا الأوضة وطلب مني أختارله لبس.
_كل المواصفات اللي كنت بتمناها في شريك حياتي لقيتها في رحيم؛ شخص حنين، هادي، مبيرفعش صوتة عليا. صحيح جسمه قوي ووسيم وأوقات نبرته بتخوف بس أنا بحس بالأمان معاه. سهل تحس بالأمان بس صعب تلاقيه مع شخص معين، وأنا لقيت الأمان مع رحيم. كان عنده حق لما قال لي إنه هيغير مصيري. أوقات بحس إني عايشة معاه في جنة وحلم مش عاوزه أفاق منه، أتمنى نفضل كده ديما ورحيم ميتغيرش.
_اختارتله لبس. شيئ جميل إن الشخص اللي بتحبه ياخد رأيك في كل تفاصيل حياته. ساعدته في لبسه واخد حاجته وطبع قُبلة لطيفة على خدي ومشى. وزي ما عودني دخلت الأوضة اللي مليانة كتب أو بمعنى المكتبة اللي عاملها، فضلت أقرأ حاجات كتير لحد ما مر وقت طويل أوي.
*طلعت من المكتبة ورجعت الأوضة، فتحت الدولاب ولقيت فساتين كتير. اختارت فستان كان لونه أسود بكم وضيق عند الصدر وواسع من تحت وشكله جميل أوي. دخلت لبسته وحطيت ميكب خفيف وفضلت قاعدة مستنياه.
*مر وقت ومجاش، قومت وقررت أتصرف علشان أكلمه. فتحت الباب وكنت طالعة لقيته في وشي. أول ما شافنى وقف متنح ومصدوم، وأنا حاولت أتهرب من نظراته اللي بتوترني.
رحيم لنفسه: لا كده كتير أوي، لمتى هفضل مستحمل بعدك عنى يا حورية؟ لا لا كفاية كده، أظن لازم آخد خطوة جد في علاقتنا.
_انت أتأخرت كده ليه؟
رحيم بحب: كان عندي شغل.. وأكمل بخبث: بس إيه الجمال ده؟
_اتوترت وفضلت أفرك في إيدي: هو أنا بصراحة حابة أطلع معاك.
رحيم بابتسامة وعشق: طيب ما تسيبك من الخروج النهارده وتعالى نعمل حاجة أجمل.
_ضحكت ببراءة: إيه هي؟
*قرب وهمس في وداني، ثواني ووشي أحمر من الخجل والكسوف.
_انت.. انت قليل الأدب!
ضحك: عارف.
اتكلمت برجاء وبراءة: رحيم أرجوك.
رحيم بخبث: موافقة بس بشرط.
*رفعت إيدي وانا بشاورله باستغراب: إيه شرطك؟
ابتسم وحاوط خصري وقربني منه وعينينا بتبص لبعض بحب:
=ناخد خطوة جد في علاقتنا، بصراحة أنا عاوزك مراتي يا حورية.
_اتوترت وحاولت أغير الموضوع: ماشي ماشي، خرجني الأول ولما نرجع نتكلم في الموضوع.
رحيم بضحك: ماشي، اتهربي براحتك.
_احم طيب يلا بقا.
ضحك ودخل حط الملفات واخدني وطلعنا.
روحنا مطعم أتعشينا وكانوا مشغلين موسيقى هادية وجميلة وأنا سرحانة معاهم.
=تحبي نقوم نرقص؟
بصتله وابتسمت: بس أنا مش بعرف أرقص.
رحيم بابتسامة جذابة: تعالي وهعلمك.
قال كلامه ومدلي إيده، ابتسمت وحطيت إيدي في إيده وقومنا نرقص. كان بيعلمنى بهدوء وأنا مركزة في عينيه وتايهة فيهم. إيديه كانت محاوطة وسطى وأنا لفيت إيدي حولين رقبته وبقينا نرقص على موسيقى هادية وجميلة. كنا باصين لبعض وكل واحد فينا نظرته كفيلة تقول كل اللي في قلبه. خلصنا رقص وحاسب وطلعنا.
مسكت كتفه ووقفت قدامه: أنا عاوزة أتمشى ممكن؟
رحيم بابتسامة: ممكن، يلا بينا.
*مسك إيدي وفضلنا نتمشى شوية لحد ما وصلنا قدام شخص بيبيع أيس كريم.
_رحيم.. رحيم ممكن تجيبلي أيس كريم؟
ضحك وراح اشترالي أيس كريم وقعدنا أنا وهو على الرصيف.
_ميلت براسي على كتفه وشبكت إيدي في إيده وكأني برمي كل حاجه عليه وبنسى الدنيا كلها وأنا معاه. حط رأسه على رأسي وابتسم.
_رحيم.
=عيون رحيم.
_رفعت رأسي وبصتله: احم، أنت حبيت قبل كده؟
*ملامحه اتغيرت، عيونه بقت حادة من الغضب وكأنه افتكر جرح قديم.
حطيت إيدي على كتفه بخوف: رحيم أهدى، أنا آسفة مش قصدي أضايقك.
_بصلي بغضب وو..
حوريتى
بقلمي “مارينا عبود”
حطيت إيدي على كتفه بخوف: رحيم أهدى أنا آسفة مش قصدي أضايقك.
بصلي بغضب وقام وقف.
_قومت ووقفت قدامه: رحيم.
رحيم بابتسامة عكس النار التي تشتعل بداخله: متخافيش يا حورية، أنا كويس.
_عيوني دمعت: أنا آسفة.
