وعد بخوف: “ماشي.”
في مكان آخر جلست هذه الفتاة التي يبدو على وجهها الإرهاق الشديد وعيونها المنتفخة من شدة البكاء ويديها المتعبة، وضعت رأسها على الوسادة وظلت تبكي بشدة وقهر، فكيف له أن يتركها بهذه الطريقة القاسية ويتزوج من ابنة عمه؟ فكان يحدثها دائمًا أنها حبيبته والشيء الوحيد الذي يحلم به منذ صغره، وهي انتظرته كثيرًا حتى أصبح كبير الصعيد، الجميع يهاب منه ويرتعبون لذكر اسمه. ماذا
فعلت ليهينها هكذا؟ حتى لم يواجهها، فقد فضل الصمت وتركها تائهة ضائعة في عالم ليس له أمان. يا ترى ماذا سيتحدث الناس عنها؟ فهي في الصعيد، هل سيقولون عنها إنه مل منها أم إنه أخذ ما يريده وتركها؟ من هذا الذي سيتزوجها بعد أن تركها كبير الصعيد؟ وهي لا تريد أن تتزوج من شخص غيره. ظلت تبكي حتى دخلت عليها والدتها وتحدثت معها مردفة ببكاء: “دلوقتي يا بنت بطني، قوليلي إيه اللي حصل علشان ابن الرشيدي يلغي خطوبته بيكي ويسيبك كده ويتجوز بنت عمه.”
ماسة ببكاء: “معرفش، روحي اسأليه، عمل كده ليه؟ أنا معرفش حاجة زي زيك.”
نعمة بغضب: “أومال مين اللي عارف مين هيوافق يتجوزك دلوقتي؟”
في المساء وصل مهاب إلى فيلته ولكن قبل أن يدخل وقفت أمام السيارة فتاة فأوقفها بسرعة ونزل ووجدها ماسة فاقترب منها وتحدث بعصبية مردفًا: “انتي مجنونة، لو كان حوصلك حاجة دلوقتي كنت هعمل إيه؟”
ماسة بسخرية: “بجد كنت هتعمل إيه يا ولد الرشيدي؟ كان إيه اللي هيحصل؟ أقولك أنا عادي، ولا كان هيحصل أي حاجة، كانوا هيدفنوني والموضوع ينتهي، أصل مين هيتجرأ ويجرب من مهاب الرشيدي، ابن أكبر عيلة في الصعيد وكبيرها، مين يقدر يحاسبه ولا يحاكمه؟ أكيد محدش، بس أنا دلوقتي جاية أحاسبك وأسألك عملت فيا كده ليه.”
مهاب بضيق: “علشان اسم عيلتي لازم اتجوز بنت عمي.”
ماسة ببكاء: “وأنا ذنبي إيه؟ خطبتني ليه من الأول؟ ولا حبيتني ليه من وقت ما كنا صغار؟ قلتلي ليه إنك مستحيل تتخلى عني؟ وعدتني ليه إنك مش هتسيبني؟ لما انت كده هتكون كداب، خليتني أحبك ليه؟”
مهاب وهو يصطنع القوة: “مش مجبور أشرحلك، أنا خطبتك ودلوقتي مش عاوزك وخلاص، الموضوع انتهى، انسيني وشوفي حياتك، كنتش بحبك، ودلوقتي هتجوز.”
نظرت ماسة إليه بصدمة وعيونها تمتلئ بالدموع وذهبت من أمامه بسرعة، فكان مهاب سيلحقها ولكن سيطر على مشاعره والتفت ليدخل إلى الفيلا فوجد أمامه ريتاج فتحدث بعصبية: “إيه اللي مطلعك دلوقتي كده؟”
ريتاج باستحقار: “انت ازاي كده؟ دمرت خطيبتك ودمرتني ودمرت نفسك، كل ده علشان الحقد والكره اللي اتزرع في قلبك من وانت صغير؟ ياريتني ما كنت جيت الصعيد، انت بتحارب مين يا كبير الصعيد؟ بتحارب سراج ولا عيلة السمدوني ولا بتحارب نفسك؟”
نظر مهاب إليها بعيون تمتلئ بالغضب فتحولت عيونه إلى جمر من النار ثم تحدث بصوت مخيف يشبه فحيح الأفاعي مردفًا: “بحارب أي حد يحاول، وعلشان كده دلوقتي بحاربك انتي، ميتعدى اجتلك في ثانية واحدة لو مسمعتيش كلامي وسلمتي لعيلة السمدوني، علشان كده تقعدي زي الشاطرة وتفهمي كل حرف بقوله وتنفذيه من غير نقاش، علشان كلامي لو متسمعش جبل نار هالتك، تجي من مصر هتكوني سمعتي خبر فقدها، فاهمة؟”
ريتاج بصدمة: “هتقتلها؟”
مهاب بسخرية: “الأذى سهل جدًا، ومستعد أأذي البلد كلها لو شكيت إن عيلتي هتتأذى، كلامي هلص، اطلعي على أوضتك.”
نظرت إليه ريتاج بخوف ثم صعدت بسرعة إلى غرفتها فصعد مهاب وخلفها وجاء وذهب إلى غرفته ثم دخل إلى الحمام وأخذ حمامًا دافئًا وأبدل ملابسه وجلس على الفراش وفتح جهاز اللاب توب الخاص به فوجد صورة ماسة على الشاشة وتذكر عيونها وهي تبكي وكسرت صوتها فأغمض عيونه ووضع يده على قلبه وردد كلمات الأغنية قائلًا:
“يا كاس الحب بكفاية لكل حبيب معاك قصة… شربت الحب دول يامه أحبك لا وانا لسه… شربت الحب كاس ورا كاس… كاس فرقة… وكاس نسيان… حاولت أفوق ومعرفتش خلاص ضليت مليش عنوان… يا كاس داير على قلوبنا ما سايب فينا قلب سليم… عايشين بس بنعاني ونتعلق في حلم قديم… بنسكر بس مبننساش… بنتألم ومبنقساش… يا كاس الحب ليه بتاخد مشاعر لا منملكهاش. الأسرار اللي خلتنا نتوب ونقول… يا كاس الحب ليه بندوق مرارة حب مش لينا، أنا شارب ومش عارف هل انت يا حب مش لينا…”
وفجأة قاطعه صوتها الطفولي البريء وهي تتحدث مردفة: “صوتك حلو جدًا.”
مهاب بدهشة: “دخلتي هنا ازاي؟”
وعد: “آسفة، بس أنا كنت خايفة أنام لوحدي في الأوضة فطلعت علشان أشوف حد يجي ينام جنبي، هي فين ماسة؟”
مهاب باستغراب: “وانتي تعرفي ماسة منين عاد؟”
وعد: “من صاحبتي اللي كانت معايا في الملجأ، هي حكيتلي عنكم.”
مهاب: “هي اسمها إيه؟ وبعدين أنا لحد دلوقتي مش عارف أجيب عنك أي معلومة.”
وعد بحزن: “اسمها فريدة، وهي سافرت مكان بعيد جدًا، هروحلها قريب، بس انت ادعيلي.”
مهاب بشك: “نامي مع ريتاج، بصي الأوضة اللي جمبي هتلاقي فيها بنت هبلة كده، روحي نامي معاها.”
وعد بابتسامة: “تصبح على خير.”
جاءت وعد لتخرج من الغرفة ولكن فجأة انتفضت عندما سمعت صوت طرقات حادة.
الفصل الثالث
نزاع الصعايده
نهض مهاب من مكانه بسرعة وطلب من وعد أن تظل في الغرفة ولا تخرج منها مهما حدث، وأخذ أداة ونزل إلى الأسفل فوجد الحراس يمسكون الأدوات ويقفون بضيق فنظر إليهم وتحدث معهم مردفًا: “إيه اللي حصل؟ ومين اللي أحدث صوتًا كده؟”
الحارس: “ست هانم الكبيرة يا بيه.”
اقترب مهاب فوجد جدته وبيدها إحدى الأدوات فتحدث بتنهيدة مردفًا: “في إيه يا حجه؟ مش بتضر بيش كده غير لما تكوني مضايجة.”
شكرية بضيق: “مفيش، معلش يا ابني إني صحيتك من النوم.”
مهاب: “إيه اللي حصل يا حجه؟”
شكرية بحدة: “مين البت اللي انت جايبها فوق دي؟ وعاوزة أعرف إيه اللي حصل علشان تتجوز بنت عمك، أنا أكتر واحدة مبسوطة بالجوازة دي، بس قولي إيه السبب.”
مهاب بضيق: “مفيش سبب يا حجه.”
شكرية: “ماشي يا ابني، بس اطلع ارتاح علشان فرحك بكرة، وكل اهل البلد هييجوا بكرة علشان يباركوا ويهنوا، وكمان عيلة السمدوني هتيجي.”
مهاب بعصبية: “وييجوا ليه؟ أنا معزمتهمش.”
شكرية بضيق: “لازم ييجوا يا ابني، ده فرح كبير الصعيد، ومن الأصول إن كل اهل البلد ييجوا.”
مهاب: “أنا طالع أنام، تصبحي على خير يا حجه.”
صعد مهاب إلى غرفته فوجد وعد نائمة على الفراش فنام على الكنبة. وفي الصباح استيقظت ريتاج على صوت زغاريد في كل مكان وحالة من الفوضى، فكل شخص يفعل شيئًا لترتيبات الزفاف، فأقتربت منها جنة أخت مهاب وتحدثت بابتسامة مردفة: “مبروك يا عروسة، البنت اللي هتزوقك هتيجي كمان شوية، ارتاحي أنت في أوضتك علشان تطلعي زي الجمر انهارده.”
ريتاج ببكاء: “طظ في الفرح وعلى كل حاجة، أنا أصلًا هتجوز.”
وفجأة قاطعها صوتها الأنوثي وهي تتحدث مردفة: “تهديد إيه يا ريتاج؟”
التفتت ريتاج وجنة فوجدوا خالتها أمامهم فركضت ريتاج وتحدثت ببكاء مردفة: “خالتي وحشتيني أوووي.”
لقاء بدهشة: “بتعيطي ليه وتهديد إيه؟ انطقي.”
مهاب بابتسامة: “حمد لله على سلامتك.”
لقاء بابتسامة: “الله يسلمك يا حبيبي، مالها ريتاج؟”
“بتعيط ليه كده؟”
مهاب بخبث: “علشان انتي وحشتيها جدًا، كانت زعلانة ألا متعرفيش تيجي الفرح، وانتي اتأخرتي، علشان كده بتتبكي، ولا إيه يا ريتاج؟”
ريتاج وهي تمسح دموعها: “هاا، آه أيوه يا خالتي، كنت خايفة ألا متعرفيش تيجي.”
لقاء بابتسامة: “متقلقيش يا قلبي، أنا مقدرش محضرش فرحك، يلا تعالي ندخل أوضتك علشان جبتلك معايا واحدة من القاهرة هي اللي هتزوقك.”
في المساء اجتمع اهل البلد وكبارها وجاءت النساء ومنهم نساء عائلة السمدوني. كان مهاب يتحدث مع ياسر وفجأة جاء سراج ووقف أمامه وتحدث بسخرية مردفًا: “مبروك يا عريس.”
مهاب ببرود: “عجبالك؟ أومال ناوي تتجوز امتى؟ كنا سامعين إنك هتتجوز قريب.”
سراج بضيق: “كنت هتجوز، بس جاء واحد وخطف البنت اللي كنت عاوز اتجوزها مني وهيتجوزها.”
ياسر بحدة: “احنا هنا في فرح، وكده ميصوحش.”
“عاوز إيه يا ولد السمدوني؟ جاي تبارك ولا جاي تتخانق؟”
مهاب ببرود: “سيبه يا ياسر، يقول كل اللي هو عايزه، بس مش جدام الناس، تعالي نبعد شوية.”
ألقى مهاب كلماته وذهب بعيدًا عن الناس ولحقه سراج وياسر فوقف مهاب وتحدث بسخرية: “يلا يا ولد السمدوني، قول اللي يعجبك.”
وفجأة أخرج سراج أداة ووقف يشعر بالغضب الشديد وهو موجه أداة نحو رأس عدوه وتحدث مردفًا: “أقدر أأذيك دلوقتي في ثانية.”
مهاب بسخرية: “ومستني إيه؟ أأذيني، يلا.”
سراج بحدة: “مش من عادتي أأذي واحد من غير ما يدافع عن نفسه.”
مهاب بضحك: “مالك يا ابن السمدوني؟ هو خبر جوازي جننك ولا إيه؟”
سراج بغضب: “أيوه جنني، وعندي خبر هيجننك أكتر، أنا كمان هتجوز بنت النجار قريب، وأكيد هتيجي فرحي زي ما أنا جيت دلوقتي فرحك.”
تبدلت ملامح مهاب من السخرية إلى الصدمة والغضب الشديد وأخرج أداته فجأة ووضعها على رأس سراج، فظهرت فجأة ماسة ووقفت أمام سراج ثم تحدثت بغضب مردفة: “جبل ما تأذيه، أأذيني أنا، ده خطيبي وقريب جدًا هيكون جوزي، ومسمحش إن حد يجرب من جوزي وأنا واقفة أتفرج.”
مهاب بغضب شديد: “جوزك من امتى يا بنت النجار؟ هتتجوزي ده بعدي ومن وشي؟ علشان انتي عارفاني في غضبي بعمل إيه.”
