بعد ثوانٍ كانت خلفهم رجاء بغضب: كل ده بترموا القمامة؟
بسنت بخبث: الحقي مريم واقفة مع واحد في العربية!
رجاء: نعم؟
نظرت للسيارة.
أمسكت مريم بيد مراد وقالت: أسفة.. بس معلش ممكن تكمل التمثيلية دي؟
نظر لها باستغراب.
اقتربت منه وتظاهرت بالحديث معه عن قرب لإيهامهم.
مريم بخجل: أسفة إن بحطك في موقف زي ده.. بس خليك كده دقيقة.
رجاء مصدومة، وريم وبسنت على شفاههما ابتسامة خبيثة.
شعر مراد بالوضع ورغب في إنهاء المشهد بسخرية، فابتعد عنها وقال: كده اتساوينا.
خرجت مريم من السيارة بسرعة وغادر هو.
داخل الملجأ تقف مريم وهي ترتجف أمام رجاء الغاضبة.
رجاء وهي تصرخ في وجهها: انتي تجاوزتي حدودك أوي.. أنا هطردك برة الملجأ ده!
أمسكت رجاء بـ مريم وسحبتها لخارج الملجأ: مش عايزة أشوف وشك هنا تاني!
والقتها في الخارج وأغلقت الباب بقوة.
نهضت مريم من على الأرض وهي تبكي، وكلمات العجوز تتكرر في ذهنها.
مريم: أنا غلطانة لأني سمعت الكلام.. هروح فين دلوقتي؟
في فيلا “آل محمود”..
مراد بنفاذ صبر: خلاص هاجي معاكي.
سوزان بابتسامة: ماشي يا حبيبي.. اقنع بقى أبوك يجي.
محمود: أنا جاهز.
مراد: شفتي؟
سوزان بسعادة: حلو أوي يلا نروح عشان متتأخرش.. فين الورد؟
مراد: في العربية.. يلا.
ريم ببكاء: خايفة على مريم.
بسنت بلامبالاة: أرض الله واسعة هتروح في أي حتة.
ريم بغضب: انتي عارفة سبب إنها تعمل كده!
بسنت: فكك منها بقى.
مريم جالسة على الرصيف تبكي، وجدت امرأة في الأربعين من عمرها تحدثها بطيبة: مالك يا بنتي؟
نظرت لها مريم.
المرأة (مروة): محتاجة مساعدة؟
مريم ببكاء: مش لاقية مكان أقعد فيه.
مروة: اممم.. طب توافقي تشتغلي في فيلا؟
مريم بأمل: ياريت.. يبقى أي مأوى ليا.
مروة بابتسامة سمحة: طيب قومي معايا يلا.
مريم بامتنان: شكراً لحضرتك.
مروة: انتي زي بنتي.. صحيح اسمك إيه؟
مريم: اسمي مريم.
مروة: عاشت الأسامي يا مريم.
في منتصف الطريق..
سوزان: أوبس نسيت الشال بتاعي!
محمود: مش لازم يعني.
سوزان بضيق: لا لازم.. رجعني يا مراد هجيبه ونروح.
مراد: حاضر.
وصلوا أمام الفيلا، وترجلت سوزان ودخلت وأحضرت الشال، وعند خروجها أوقفتها رئيسة الخدم (مروة).
مروة: سوزي هانم.. حضرتك أنا جبت خادمة تشتغل معانا وإحنا كنا محتاجين.
سوزان: اممم اوكي.. سيبيها تشتغل وبالليل أبقى أشوفها.
مروة: شكراً لحضرتك.
مريم بعد أن ارتدت ملابس العمل: شكراً أوي لحضرتك.. لولاكي مكنتش عارفة كنت هعيش فين.
مروة: قلتلك انتي زي بنتي.. يلا بقى على الشغل عشان نلحق نخلص.
أومأت برأسها وذهبت لتعمل.
سماح بنفاذ صبر: يلا يا آلاء ادخلي.
آلاء: على فكرة يا بابا أنا مش موافقة على إني أرتبط بـ مراد.
سماح: ده لمصلحتنا يا بنتي.
آلاء بضيق: ماليش دعوة.
سماح بغضب: طب ادخلي وخلصيني.
آلاء بتحذير: حتى لو قرأنا النهاردة الفاتحة.. صدقيني مش هكمل.
وتركت والدتها وخرجت لهم وألقت السلام وجلست.
سوزان: ندخل بقى في الموضوع.. محمود هيتكلم.
محمود: إحنا جايين نطلب آلاء لابن عمتها مراد.
مدحت: نتشرف طبعا.. رأيك إيه يا آلاء؟
آلاء: …
سماح: موافقة طبعاً آلاء.. يلا نقرأ الفاتحة.
وقرأوا الفاتحة.
مراد: عن اذنكم ورايا شغل. وغادر.
آلاء: طالعة اوضتي. وغادرت.
سوزان: مبروك علينا.
عادت سوزان ومحمود للفيلا.
محمود بضيق: ابنك كان ساكت طول القعدة وده بيدل إنه رافض، وباين على البنت إنها مش عايزة.
سوزان: هيحبوا بعض بعدين.
محمود: أنا طالع أريح.
سوزان: مروة.. مروة.
أتت مريم: الدادة مروة مش موجودة.
سوزان: انتي مين؟ الخادمة اللي جابتها مروة؟
مريم: أيوه يا سوزي هانم.
سوزان وهي تتفحصها: اممم ماشي.. اعمليلي نسكافيه.
مريم: حاضر يا فندم.
اتجهت للمطبخ وسألت زميلتها سندس عن طريقة إعداده، فساعدتها سندس.
محمود يتحدث مع مراد على الهاتف: مش هتيجي النهاردة؟
مراد: هسهر مع أمير.
محمود: آخر يوم تسهر وتبات برة الفيلا.. من بكرة عايزك تكون في الفيلا.
مراد: إن شاء الله.
مساءً، في غرفة الخدم..
مروة: ها يلا قوليلي قصتك.
مريم: أنا يتيمة من صغري.. كبرت في ملجأ ورئيسة الملجأ اسمها رجاء.. قاسية أوي علينا، وكانت بتضربني ومش بتأكلني أحياناً.. مشفتش يوم حلو في حياتي. وصديقتي سمعتها وهي بتتكلم مع رجل عجوز بيجي كل سنة يختار واحدة عشان يتجوزها وهو اختارني.. وقصت عليها ما حدث حتى طردها.
اليوم التالي في فيلا “آل محمود”..
مروة: خدي القائمة دي وانزلي السوق هاتي الحاجات دي يا مريم.. عم إبراهيم برة قوليله ياخدك.
مريم: حاضر.
في السوق، كانت تتجول، وفجأة وجدت من يضع يده على كتفها.. التفتت لتجد ريم.
ريم وهي تحتضن مريم: مريم! انتي كويسة؟ وحشتيني!
مريم: وانتِ كمان.. انتي بتعملي إيه هنا؟
مريم: أنا بشتغل في فيلا.
ريم: طمنيني عليكِ.. إياكي ترجعي، رجاء بتدور عليكي عشان الرجل العجوز بهدلها لما عرف إنك مشيتِ.
مريم بخوف: هعمل إيه؟
ريم: انتي خلصي بسرعة وارجعي على الفيلا.
كتبت مريم لها عنوان الفيلا في ورقة: أمانة عليكي متديهوش لحد.
ريم: وعد.. يلا امشي بقى.
عادت مريم للسيارة ولكن لم تجد عم إبراهيم، فقد اضطر للمغادرة أمرٍ طارئ بالفيلا.
أثناء بحثها عن طريق للعودة، شاهدت الرجل العجوز يلمحها ويتقدم نحوها، فتركت الأغراض وركضت برعب وهو يحاول اللحاق بها حتى تعب وتوقف.
وأثناء ركضها وهي تنظر للخلف، اصطدمت بشخص.. التفتت بخوف لتجد مراد!
مراد بدهشة: انتي تاني؟!
مريم وهي تلتقط أنفاسها: أسفة.. أسفة.
مراد: اعتذارك مش هيغير حاجة.
وفجأة ظهر الرجل العجوز مجدداً وهو يصرخ: هاتي البت دي!
مراد بحدة: احترم نفسك يا راجل انت..
ولكن العجوز اندفع نحو مراد وضربه، لينشب شجار بينهما حتى تدخل المارة وأبعدوهما.
العجوز بغضب: مش هسيبك! وغادر.
التفت مراد فلم يجد مريم، فركب سيارته واتجه للفيلا.
وصلت مريم للفيلا واتجهت لغرفة الخدم وأخذت تبكي، فسألتها سندس وقصت عليها ما حدث.
سندس: قومي اغسلي وشك ويلا نكمل شغل.
وصل مراد للفيلا وعلى وجهه آثار الشجار، ففزعت سوزان: إيه اللي عمل في وشك كده؟
مراد بعصبية: مشكلة بسيطة.. أنا طالع أرتاح.
سوزان دعت مروة وأخبرتها بضرورة إحضار الإسعافات لمراد.
مروة لمريم: مريم.. خدي علبة الإسعافات واطلعي لأوضة مراد بيه.
مريم: حاضر.
في الملجأ..
رجاء بعصبية: الكل يدور على مريم دي.. عايزاها تبقى هنا خلال يومين!
صعدت مريم السلالم ووصلت أمام غرفة مراد وطرت الباب ثم دخلت وهي تخفض رأسها.
مراد وهو مستلقٍ على السرير ومغمض العينين: تعالي اعمليلي الجرح اللي على وشي.
مريم بخفوت: حاضر يا بيه.
تقدمت ورفعت ناظريها، فسقطت العلبة من يدها من الصدمة.
مراد بعصبية وهو يفتح عينيه: انتي…!
وبُهت هو الآخر عندما رآها!
وفجأة دخلت سوزان الغاضبة: اخرجي برة! إياكي تدخلي الأوضة دي تاني فاهمة؟!
خرجت مريم مسرعة بذهول.
سوزان لمراد: أنا عارفة البنات دول بيحاولوا يتقربوا إزاي.. بكرة تخرج انت وآلاء تغيروا جو.
مراد بضيق: هشوف.
في المطبخ..
سندس لمريم: مريم.. الشاب اللي ساعدك طلع هو مراد بيه؟
مريم: أيوه..
سندس: طب ما تطلبي منه يساعدك أو يحميكي من الملجأ والعجوز؟
مريم بفزع: إزاي؟ هو أصلاً مش طايقني والتصرفات دي كلها كانت صدف!
سندس: اسمعيني بس…
اليوم التالي..
على السفرة في الفيلا:
سوزان: ها يا مراد.. تقابل آلاء بعد ما تخلص شغل؟
مراد: إن شاء الله.
محمود: مراد انت ممكن تتراجع لو مش عايز.
سوزان بحدة: يتراجع إيه! لا طبعا.
نهض مراد بضيق: أنا اللي هقرر في حياتي مش انتوا.. عن إذنكم. وغادر.
وصلت ريم بتخفي قرب الفيلا لتنبه مريم أن الملجأ يبحث عنها، وأخبرتها بضرورة الحذر والاستعانة بأصحاب الفيلا لحمايتها، ثم غادرت.
في الشركة.. تحدث مراد مع آلاء واتفقا على اللقاء مساءً.
عصر اليوم ذاته، عاد مراد للفيلا ليرتاح.
في الطابق العلوي، صعدت مريم بتوتر بعد تدبير كلامها، وطرق باب غرفته ثم دخلت بخفة عندما لم تسمع إجابة.
كان مراد قد خرج للتو من الحمام مرتدياً ملابسه المنزلية ويجفف شعره.
توترت مريم ولكنها قالت بشجاعة: عايزة أكلم حضرتك في حاجة مهمة.. مساعدة.
نظر لها مراد بحدة: بتعملي إيه هنا؟
مريم: الموضوع مهم وميتأجلش.
مراد بلامبالاة: قولي.
مريم وهي تأخذ نفساً عميقاً: ممكن تتجوزني؟
مراد: …
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
