همس الانين الجزء الأول بقلم اية محمد

في إحدى السيارات
كانت ريناد تنظر لصديقتها بخوف شديد فقالت بتوتر: متأكدة يا مايا أنه هيرجع العربية زي الأول
مايا بغرور: طبعاً يا بنتي أنا عارفة أن المكان سوفاج شوية بس الورشة دي شغلها كويس وبالفلوس ممكن أي حاجة ترجع زي الأول
ريناد: أنا خايفة أوي أنت ماتعرفيش جدو ممكن يعمل فيا إيه لو عرف ممكن يسحب مني العربية ويخليني مخرجش من القصر خالص
مايا: ليه كل دا أنا ماعرفش أنت بتخافي منه كدا ليه
ريناد: كلنا بنخاف منه يا مايا مفيش غير جوان ودا مستحيل يقف ضده عشاني
مايا بهيام لذكرها فتى أحلامها وأحلام الجميع فجوان سويلم معشوق الفتيات كما كان بالجامعة
ريناد: ماياا مايا روحتي فين يا بنتي
مايا: ها معاكي
ريناد: طب يلا ننزل
مايا: أوك يلا
وبالفعل هبطت الفتيات إلى الورشة ليجدوا عزت باستقبالهم لتقص عليه ريناد المشكلة الخاصة بسيارتها فيحدد لها موعداً بعد عدة أيام لكثرة السيارات التي لديهم فتتحدث مايا بطريقتها المغرورة وتحاول إقناعه بالمال
مايا: شوف الفلوس اللي أنت عايزها كام وخلصنا المهم العربية تكون في ظرف ساعة زي ما هي
عزت بغضب: إيه الكلام اللي أنت بتقوليه دا أنت مجنونة صح
مايا بتعالي وغضب: أنت بتكلمني أنا يا حيوان
حاولت ريناد أن تهدئ مايا قليلاً ولكن غرورها يرفض الخضوع
لتستمع ريناد إلى صوت ما يأتي من خلفها فتستدير لتري من يتحدث تقف مذهولة تماماً فهذا الفتى وسيم للغاية يشبه مالك إلى حد ما لا بل يزيده وسامة وجاذبية ولكن شيء غريب يربطها به
إسلام بغضب وهو يتوجه إليهم ويجفف يده بفوطة صغيرة: الفلوس دي خليها تنفعك اتفضلي من هنا إحنا مش شغالين عند أهلك
لم يكن حال مايا أقل من حال ريناد فظلت تتطلع له بقسوة شديدة
علمها إسلام وقال بسخط: اتفضلوا من هنا من غير مطرود
تحدثت ريناد بصوت يملؤه الرجاء له تحدثت لتجعل معشوقها يستشعر بأنها صاحبة القلب المجهول وها قد جمعهم الله لتكون القوة التي ستهزم إلياس سويلم
ريناد برجاء: لو سمحت
ليلتفت لها إسلام فكان حديثه مع تلك الفتاة المغرورة
ريناد: أرجوك تساعدني أنا لو رجعت بيها البيت كدا ممكن يحصلي مشاكل كتير أرجوك
نبض قلبه بالحياة كأنه يعلن بأنه وجد النصف الآخر له ولكنه تذكر الله الذي أمره بغض البصر فاستغفر ربه ووضع عيناه أرضاً أولاً لخشية عقاب الله الواحد الأحد ولان تلك الفتاة يبدو عليها أنها ابنة لأحد العائلات الثرية
كما أنها ليست ترتدي الحجاب رغم الملابس المحتشمة
كان الصمت الرهيب الذي تملك إسلام كفيل بجعل ريناد تعلم أنه لن يساعدها فجذبت مايا واتجهت إلى السيارة ويبدو عليها الحزن والخوف في آن واحد
إسلام: استني يا آنسة
عزت: بس يا إسلام
إسلام بحزم: خلاص يا عزت روح شوف شغلك وأنا هعملها على السريع مش هتاخد مني وقت
تعجب عزت من تصرف رفيقه فهو لا يتسامح مع الإهانة ولا لأي أحد حتى لو رفيقه وبالفعل بدأ إسلام بالعمل على السيارة الخاصة بريناد تحت نظراتها المتعجبة من ذلك الشاب ونظرات مايا المقززة فإسلام بفعل عمله المجاهد يمتلك جسداً رياضياً
لاحظ إسلام نظرات ريناد المتعجبة على نساء الحي كانت تنظر للحجاب الذي يرتدونه باستغراب ووضعت يدها على شعرها بخجل شديد من نظراتهم
تيقن إسلام أنها ضحية لعادات وتقاليد الأثرياء المعروفة
التقطت عيناها الزرقاء التي تشبه عين جيمس فريناد تشبه أخاها إلى حد كبير بعيناها الرمادية لتتعجب وتذهل عندما يضع عيناه أرضاً ويردد كلمات تسمعها لأول مرة ألا وهو الاستغفار
انتهى إسلام من السيارة في أقل من الساعة فهو كان يعمل سريعاً كي لا يتمكن الشيطان منه فهو يستشعر بشيئاً غريب بقلبه
فرحت ريناد عندما وجدت السيارة كما كانت ولا يبدو عليها أي شيء فقالت بسعادة: مش معقول أنت فعلاً شاطر أوي شكراً ليك بجد
إسلام: على إيه دا شغلي
ريناد: طب حضرتك عايز كام
إسلام: عزت هيحاسبك
وبالفعل غادر إسلام من أمامها واتجه إلى الداخل وأمر رفيقه بأن يتكفل بحسابها ولكنه كان يتهرب منها
وبالفعل حاسبها عزت وغادرت
غادرت وهي تشعر بشيء غريب تشعر أن قلبها مع بعد المسافة يزيدها ألماً التلتفت لتبحث عيناها عنه قبل أن تختفي مايا من أمام الورشة ولكن بفعل ضيق الحارة التي بها الورشة منحت ريناد الوقت لتنظر لها بضع نظرات أخيرة لتجده يعمل بجد كأن شيئاً لم يكن أخذت تنظر له إلى أن اختفت السيارة تماماً

بمنزل همس
كانت تجلس شاردة بكلام أخيها من الذي يريد قتلهم جميعاً ولماذا
أفاقت من شرودها على رنين الجرس فتوجهت لتجد العقربة كما تسمى ابنة خالتها
سارة: إيه مفيش أهلا ولا أدخلي أي حاجة
همس: لا أزاي اتفضلي
وبالفعل دلفت سارة وهي ترمقها بنظرات حاقدة فهي تكره همس وتغار منها كثيراً وتحب أن تتشفقى بها
رباب: مين يا همس
همس: دي سارة يا ماما
رباب بابتسامة: أهلاً يا حبيبتي ماما عاملة إيه
سارة: الحمد لله يا خالتو بتسلم عليكي
رباب بلهفة: مجتش معاكي ليه سارة
سارة: أنت عارفة بقا أن فرحي كمان شهر وملبوخين بقا كمان الشقة واسعة أوي وماما محتارة في الفراش بتاعي
رباب لعلمها بما تحاول تلك الفتاة تصنعه فهي تصغر همس بالسن ومع ذلك خطبت قبلها وتحاول أن تغيظ ابنتها فقالت: ربنا يوسع عليكي يا بنتي
سارة لهمس: أنا كنت عايزكي معايا يا همس
همس باستغراب: معايا فين
سارة بدلع متعامد لإغاظتها: أصل خطيبي عايزني أخرج أتفسح معاياه وزي مانت عارفة ما ينفعش أخرج معاه من غير ما حد يكون معايا وما لقيتش غيرك أنت
همس بخبث لمعرفة لما تريدها: طب ما تخدي مليكة
مليكة وهي تدلف للداخل: مين جاب سيرتي
همس: أهي جيت خديها معاكي
سارة: لاا مليكة لا أنا عايزكي أنت معايا
دلف إسلام هو الآخر فالوقت معاد غدائه
ليسمع لما يقول ويعلم أيضاً لما تريد همس أن تذهب معها
إسلام بغضب: مين قالك إنها لو وافقت إني ممكن اسمحلها تروح معاكم
سارة بتوتر لوجود إسلام فكم فعلت الأفاعيل لتنال إعجابه ولكنه قالها بوجهها كثيراً أنها مثل أخواته
سارة: أنا يعني كنت بقول
إسلام: لا تقولي ولا أقول خدي أختك معاكم أو متخرجيش خالص يبقا أفضل
سارة: شوفتي يا خالتي ابنك بيكلمني إزاي أنا غلطانة إني جيت وغادرت سارة من المنزل فأغلقت مليكة الباب خلفها بقوة
اقترب إسلام من همس التي دمعت عيناها جراحاً من قسوة البشر فالجميع يحاسبها على قدر الله التي لا يد لها به
إسلام: إيه يا همسة ساكتة ليه حبيبتي
همس: ما خلتنيش ليه أروح معاهم يا إسلام
إسلام بغضب: تروحي فين دي بتعمل كدا علشان…
ثم صمت فأكملت هي بدموع: علشان تغيظني صح بس أنت غلط يا إسلام ما حدش فاهمها دي هي رفضت أنها تاخد مليكة أو أي حد وجيتلي أنا لأني من وجهة نظري مش جميلة مش هلغي وجودها لكن لو أخدت مليكة أو حد من البنات هتبان قدامهم أنها مش جميلة زي ما هو فاكر
رباب ببكاء: ليه بتقولي كدا يا بنتي أنت جميلة مين قال كدا
همس: مش محتاجة حد يقول يا ماما
وتركتهم همس ودلفت إلى غرفتها وأغلقتها بالمفتاح وتركت العنان لدموعها
بكت مليكة لأجل أختها فهي تملك قلباً من ذهب لا تملكه أي فتاة
اتجه إسلام إلى الغرفة ليجد مليكة وراءه
إسلام: لو سمحتي يا مليكة أنا عايزها لوحدها
تفهمت مليكة الأمر وتوجهت لتدلف إلى الغرفة الأخرى فوجدت أخاها يجذبها بابتسامة: إيه بتهربي من تحضير الغدا لا يا حبيبتي أنا مستعجل حضري الغدا وأوعي تحرقي الفراخ زي كل خميس فاهمة
ابتسمت مليكة وقالت: لا مش هحرقها وهتشوق وتوجهت إلى المطبخ بسعادة
أما رباب فابتسمت وحمدت الله على منحها هذا الابن الحنون الذي يأبى رؤية أخواته حزيناً
طرق إسلام الغرفة وطلب من همس أن تفتح له الغرفة وتحت إلحاحه الذي ينجح دائماً فتحت له همس الغرفة ليدلف ويجلس بجانبها على الأريكة
همس ببكاء: لو كنت جاي تضحك عليا بكلمتين وفرهم أنا مش عيلة صغيرة أنا 25 سنة
ابتسم إسلام وقال: أديكي قولتيها ووفرت عليا الكلام أنت 25 يعني مش كبيرة يا همس
همس بالألم: ما حدش سابني في حالي يا إسلام تعبت من نظرات الناس ليا على إني عانس أنا مش عايزة أتجوز بس يسيبوني في حالي ونظراتهم قاسية أوي بتحسسني إني مسخ أو دميمة
إسلام بغضب: مين قال كدا بس
همس: النظرات لوحدها تكفي
اقترب منها إسلام أكثر وقال لها بجدية تخلو من أي كلام خادع فانصاعت له واستمعت
إسلام بجدية: اسمعي يا همس ممكن تكوني مش جميلة أوي بس أنت مش وحشة فكري وبصي لنفسك أنت قريبة من ربنا بطريقة متتوصفش أنا بشوفك وأنت بتصلي قيام الليل ديماً وبتدعي لينا قبل ما تدعي لنفسك أنت بالنسبة لي ملكة جمال بقلبك الذهبي دا كفاية عليكي محبة ربنا اللي بيزرعها في قلوب كل اللي يشوفها
أحلامك اللي بتحقق بالنص دي دلالة على حب ربنا ليكي
كفاية إني وأنا ساجد بدعي ربنا يرزقني بزوجة صالحة زيّك لا يا همس أنت بالنسبة لي أكتر من ملكة جمال
بكت همس لما تستمع من أخاها فكفكف دموعها وقال: أنت جوهرة يا همس بنحافظ عليها لليستحقها بجد مش أي حد بيحظى بجهرة في حد محظوظ أوي بيكي
همس وهي تحتضنه: أنا المحظوظة أنك أخويا بجد
شدد إسلام من احتضان أخته وقال بسعادة: عليا يا بت أكيد بتدعي أكون واحد غريب عشان تتجوزيني وتجيبي عيال عينهم نفس لون عيوني
دفشته همس وقالت بغضب: كدا يا إسلام
إسلام: هههههه
مليكة بصوت مرتفع أفزعهم وأدى إلى وقوع إسلام من على الأريكة: الغدا جهز يا إسلام من غير أي خسائر
همس: ههههههه
إسلام: ربنا ينتقم منك مش هتستريحي غير لما تجيلي سكتة قلبية منك
مليكة: بقولك إف تبقا أنت والدكتور الرذل دا
إسلام باستغراب وهو ينهض من على الأرضية: دكتور مين دا
مليكة: دا دكتور جديد بس إيه يا إسلام نسخة منك فرق بس لون البشرة
ابتسم إسلام وقال بغرور مصطنع: لا ما حدش زيي مش كدا يا همستي
همس: لا في
إسلام: كدا طب تعالي أنت وهي
رباب: والله يجوا فين
إسلام: هه هيجوا بس ما أرجع من الشغل ممكن نتغدا بقا
وتوجه إسلام إلى الطاولة الصغيرة التي تجمعهم وجلس فصرخت به مليكة
مليكة: لااا أنت مش بتقعد هنا على طول إيه جابك هنا
إسلام: تغير
رباب: ههه في إيه يا بت
همس: ههههههه أنا ابتديت أفهم
رفع إسلام طبقه ليجد أنه محروق تماماً
فقالت مليكة بلهفة: لاا دا كان المفروض يكون طبق همس أي حروق هي اللي بتتكلف بالخساير طبقك سليم واتاكد بنفسك
انفجر الجميع ضاحكاً عليها فهي دائماً تحرق أي شيء
ولكن السعادة لن تظل حليفتهم

بقصر إلياس سويلم
دلف مالك إلى القصر ثم توجه إلى الأعلى ليجد جده أمامه بطلته التي تقبض القلوب
مالك بتوتر: في حاجة يا جدي
إلياس: كنت فين
مالك: بالجامعة
إلياس: وريناد
هنا علم مالك أن جده يريد أن يعلم أين كانت ريناد لكي يطبق عليها العقاب
فقال: أنا خرجت أنا وريناد اتغدينا مع بعض ورجعت الجامعة كان عندي محاضرة ورجعت
إلياس بعدم اهتمام: على أوضتك
مالك: حاااضر
وصعد ملك وهو يلتقط أنفاسه التي كبتها من الخوف
ليجد الجيمس يقف بثقته المعتادة على الدرج فقال بهدوءه المميت: كانت فين
مالك باستغراب: هي مين
رفع جوان عيناه الساحرة التي لا تليق مع كتلة القسوة بداخله وقال: ريناد
زفر مالك لعلمه أن جيمس لا يستطيع أحد خداعه فقص له عما حدث فقال جوان: أوك بس خالي بالك بعد كدا إلياس سويلم مش بيضحك عليه بسهولة ولو عرف إنك بتخدعه مش هتلاقي غير العقاب
مالك: يا ساتر
جوان: مش بفهمك
ريناد: جوان
جوان بغضب: اسمي جمال قولتلك ميت ألف مرة ما سميش جوان
ريناد بخوف من نظراته: أنت بتكلمني كدا ليه يا جوان إيه غيرك ثم بكت وقالت: أنا عملت فيك إيك عشان تعاملني بالقسوة أنا بجد مصدومة
وركضت ريناد على غرفتها وبكت
مالك: استريحت
جوان بنظرته المرعبة: أدخل أوضتك يا مالك
مالك: ولو مدخلتش هعمل إيه يعني
أسرع محمد إليهم حتى لا تزداد سوءاً: في إيه يا مالك في إيه يا جمال
جوان: فاهم ابنك يا عمي ما يدخلش في اللي ما لوش فيه
وتركهم جيمس وخرج من القصر كله تنفيذ أوامر إلياس سويلم التي ستوقع ضحية همس لتكون ضحية شيطان بلا قلب لتقع في عرين الشيطاااان
هل ستصمد حصون قلعة إلياس سويلم أمام العشق؟
ما مصير مليكة؟
هل سيستطيع إلياس سويلم أن يقف أمام العشق ومن ستدفع ثمن ذلك العشق؟
من الضحية لإلياس سويلم؟
وأخيراً
ما هو السر المخفي لهذه العائلة؟
هل ستصمد همس أمام الشيطان؟ وبمن ستستعين؟

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”